الوالي خطيب الهبيل فيق الناعسين فوجدة ورجعها ورش لتحسين مستوى العيش

حساين محمد
خطيب الهبيل الوالي ديال وجدة الجديد منوض القيامة فوجدة بمشاريع اصلاح الفضاءات العمومية والبنية التحتية ديال لمدينة لي عرفت موت وتدمير ولا مبالاة.
الوالي بخطة استراتيجية فرشت تواطؤ مسؤولين فالمدينة والفشل ديالهم فاخراج مشاريع حيز الوجود وانشغالهم في ريع الرخص التي افسدت المدينة وضربت في الصفر عدد من المشاريع لي عطاها سيدنا الانطلاقة منذ 2003.
الوالي الجديد مخدامش غير على البنية التحتية واستطاع فمدة قصيرة جلب استثمارات كبيرة بحال الجامعة الخاصة ديال الطب وتوسيع القطب التكنولوجي،وإطلاق دراسة لرصد تاريخ المدينة والحفاظ عليه.
الصرامة والسرعة والجدية لي غادي بيها الوالي اربكت حسابات لي كانوا مستحوذين على المدينة وقطعت مع باك صاحبي في الصفقات والتماطل في انهاء المشاريع وعدم احترام دفاتر التحملات.ولي جديد هو اصلاح من الجذر ماشي لعكر على اوسخ.