عكس ما يروج..هوار خلص اكثر من 200 مليون هاد الاسبوع للمولودية وعطى مسبقا بريم ديال طنجة

حساين محمد
يبالي بزاف فوجدة لي غالطين فراسهم،وحسابليهم كلام لقهاوي معلومات صحيحة ويزيدو ينشرو فيها وتوصيل معلومات خاطئة للمواطن وهذا تصرف الكسلاء والجبناء لي يقلبوا على البارد وحياتهم كله لغو وشوفات خاوية وناسيين رأسهم بلي المواطن عايق بيهم مين كيجيبوا فلوس باش عايشين على ظهر اتهامات والضرب فالاعراض بلا حشمة بلا حيا… .
باختصار الاخبار لي كتروج على نادي المولودية الوجدية لكرة القدم لي رئيس ديالو هوار محمد لا اساس لها من الصحة،وان الامور في السكة الصحيحة وخير دليل الحفل لي جمع امس الرئيس هوار بالفريق الذي أدى كل مستحقات اللاعبين وايضا بريمات الماتشات لي دازو حيث حط من مالوا الخاص ازيد من 200 مليون سنتيم هذا الاسبوع.
وبخصوص المتاش ديال طنجة هوار خصص 3 مليون سنتيم بريم لكل لعاب ولي غيسلمها الفريق قبل ما يتوجه للمقابلة لي خاص تعرف تشجيع كبير من طرف المحبين بصفة عامة ولي كانحييهم على مجهوداتهم وحبهم الصادق للفريق رغم تسلط العديد من المتطفلين لي الهدف ديالهم الضرب في شخص هوار لا أقل ولا أكثر حيث بداو يتكلموا وعاجبهم المولودية حتى شدها هوار وبلا منجبدوا علاش… .
وهنا من الضروري التأكيد والتنويه بالدور البارز والريادي للوالي الجامعي وبيوي رئيس الجهة في دعم وفك مشاكل الفريق ومساندة الرئيس في هم النادي لي صبح اليوم النادي الثالث وطنيا لي سوى الوضعية مع اللاعبين وهذه امور لا يذكرها صحاب الخير لي يعرفوا غير مكانش حيث وجوه الشر….