ضسارة السعيدية..يخلصوا زوج فرنك فالكرية وطالقين السم فالمواطن

حساين محمد
السعيدية لي كيتشكاو المصطافين من الزيادة المفرطة في الأثمنة وعرفت فعطلة العيد مقاطعة المحلات المعروفة بارتفاع الاسعار.
الغريب هو ان المحلات لي كتدي الملايين كل موسم صيف وطالقا السم فالمواطنين كاريينها اصحابها تقريبا بمليون سنتيم للسنة من عند الدولة،
واش هادا ماشي عار على منطقة خسرات الدولة عليها ميزانية كبيرة باش تشتغل على طول السنة في حين هاد التصرفات كتشوه المدينة.
هذا ينضاف الى بعد التصرفات والاستحواذ على رخص الالعاب البحرية وووووو لي طاغيين فيها عدد من المتسلطين وكيتعداو على الفاعلين والمهنيين الحقيقيين مع الاسف غالطين بزاف فراسهم وهذا سيكون موضوع مقالات لاحقة بالتفاصيل… .